20 جملة بيقولها الشباب للبنات......

السلام عليكم ورحمة الله

عشرين جمله 95% من شباب مصر بيقولوها للبنات

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان ( الاسطوانه المشروخه)

11-انا علاقتى بيكى محدش يعرفها غيرى و غيرك لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

يارب يعجبكم

20 جملة بيقولها الشباب للبنات...... 206415

ههههههههههههههههههههههه

جميله منك يا romantic.girl
بس انتى عرفتى الكلام ده منين ؟

اكيد يعنى مش كل الشباب كده بس دلوقتى معظمهم كده يبقى الواحد بيكلم واحدة وبيكلم معاها تلاتة ولما دى بتجيبله هدية يروح يعطيها للتانية انتو مش تايهين عن حركات الشباب النص الكم دى

ههههههههههههههههههههههههه

و فى برده بنات كده
مش الشباب بس
و لا ايه رايك فى الكلام ده
و انا مش هانكر ان فى شباب كتير كده

اكيد فيه كده وفيه كده مش الشباب بس ومش البنات بس
الواحد نفسه الناس تبقى جدية فى الحب وف حياتها عموما

هههههههههههههههههههههه
جميلة منك رومانسية وصدقيني البنات بتفقس الحركات دي دلوقتي

لا والله يا بوسى لما الواحدة بتحب بجد مبتبقاش شايفة اى حاجة وحشة ف حبيبها ولو حد جه قالها عنه حاجة مش بتصدق حتى لو هو فيه كل حاجة وحشة بس بتبقى شيفاه احسن واحد ف الدنيا
وميرسى لمرورك يا قمر

يلا بجملت بنات بيظه وشباب ابوظ واتلم المتعوس علي خايب الرجا

فعلا romantic girl الواحدة لما تحب مبتقدرش تفرق الكلام و بتعتبر نفسها دنيته
يااااااااااااااااااااااا عيني عليها
موضوع جاااااااااااااااااااااااامد

ميرررررررررررسى على مرورك يا احلام

» للبنات و الشباب ادخل ضرورى
» اي جملة ستختار / ي ؟ بصراحه ..
» معانى الاسماء للبنات
» حوار بين الشباب والبنات
» فلافيو الي الشباب السعودي