كيف تصطادين عريسا

كيف تصطادين عريسا

أولا : الولد بيحب البنت الرقيقة
رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . .. نكدى علي اللى جابووه.

ثانيا الولد بيحب البنت الرومانسية
اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .

: ايوه كده

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
:دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل
style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .

خامسا :الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك

: واوصفي كتير كده

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك

تاسعا عددى مواهبك
اكلك لازم مظبوط
قوليله انى ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا رغم حبك الشديد للحريه والانطلاق
قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيجة :

لو الولد وقع فى دباديبك و قال عاوز يتقدملك: اوعى تقولى ايوه !
لااااا .. اتقلى شوية . اعملى نفسك يتفكرى .. مع انك مش مصدقة نفسك ان حد بصلك
سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك يبقى الطريقه 507 باكبر طووبه ف الشاارع وف نص دمااغه وعليه العووض ومنه العوض‬

or=lime]]هههههههههههههههههههههههه نصائح حلوة هقولها لاصحابى يمكن تنفعهم بس يا رب ميدعوش عليا فى الاخر [ندعوك للتسجيل في المنتدى أو التعريف بنفسك لمعاينة هذه الصورة] /size]

و الله يا مان كلامك مظبوط

و على فكره معظم البنات بتعمل كده
بس بعد فتره كله بيختلف

ههههههههههه دى بئه نصايح ولا مقالب

لا و الله نصايح

احنا يهمنا مستقبل مصر

هعتبرك بتتكلم بجد بس اكيييييييييد مش هجرب كده احسن من البهدله

لا على فكره

بس الافضل ان البنت تكون على طبيعتها
كده الواحد لما يحبها يحبها علشانها
مش علشان حركاتها

اكييييييييد انا بس اقصد الهزار

طبعا كلنا بنهزر

ايون بيحصل كده

جامدة جدا بس تقول لمين الناس كل يوم بتبتكر طريقة جديدة عشان تخدع الطرف الاخر بس انت نسيت تقول علي الرجاله اللي بيالفوا قصص وحوارات وافلام هبطة عشان بس يتسلوا ببنات الناس وعلي العموم ربنا يهدي الطرفين ونصيحة يا بنات اوعي تصدقي رااااااااااااااااااااااااااجل واوعي حتي تفكري في الجواز

noha كتب:: جامدة جدا بس تقول لمين الناس كل يوم بتبتكر طريقة جديدة عشان تخدع الطرف الاخر بس انت نسيت تقول علي الرجاله اللي بيالفوا قصص وحوارات وافلام هبطة عشان بس يتسلوا ببنات الناس وعلي العموم ربنا يهدي الطرفين ونصيحة يا بنات اوعي تصدقي رااااااااااااااااااااااااااجل واوعي حتي تفكري في الجواز

ايه اللى اوعوا تفكروا فى الجواز

انتى جايه توقفى حال المنتدى

لالالالالا ما ينفعش كده

براحتكم يا بناتفكروا زى ما انتم عايزين

طبعا براحتهم ده كان مجرد راي